اللمبة والصاروخ

بســم الله الـرحمــن الرحيــم


السلام عليكــم ورحمـة الله وبركاتــة ،،


أنا كتبت الموضوع ده عشان أقول على موقف في صلاة الجمعة
الموقف ده خلاني أحس بالناس في غزة أوي ومدى الرعب اللي الناس هناك عايشين فيه

الموقف هو إن الخطيب كان على المنبر وفي أثناء الخطبة لمبة من المبات بتوع النور ( نيون ) فرقعت
الناس كلها بصت على صوت الفرقعة بما فيهم الخطيب وفي ناس إتخضت من صوت الفرقعة وصوت اللمبة لما اتكسرت
ساعتها بالظبط عرفت الفرق بين الناس في مصر والناس في غزة

الناس في مصر صوت اللمبة فزعها

أما الناس في غزة حاجة بسيطة خالص صاروخ و طيارة وقنبلة وبيت بيقع على اللي فيه ودم وقتل و ......... الخ

الناس في مصر لمبة المسجد هي اللي بتقع

الناس في غزة المسجد هو اللي بيقع

الناس في مصر بتكسل تصحى الفجر عشان السقعة والبرد

الناس في غزة بتخاف تنام أصلا

الناس في مصر بتاكل وترمي بقيت الأكل في الزبالة

الناس في غزة مش لاقية زبالة عشان تأكلها

الناس في مصر لما بيناموا بيطفوا الأنوار

الناس في غزة ولا بيناموا ولا عندهم نور

الناس في مصر بيروحوا بأولادهم مدارسهم

الناس في غزة بيروحوا ياخدوا جثث أولادهم من تحت حطام مدارسهم

الناس في مصر ............ الخ

الناس في غزة ............. الخ